თანამშრომლობითი კულტურის ხელშეწყობა

,,ახალი სკოლის მოდელის" ფარგლებში  სკოლის საჭიროებებიდან გამომდინარე დაიგეგმა  სხვადასხვა ინტერვენცია თანამშრომლობითი კულტურის ხელშეწყობისთვის. პედ.კოლექტივმა სკოლის მხარდამჭერ გუნდთან ერთად მოაწყო აქტივობა არაფორმალურ გარემოში. მოვინახულეთ გოგნის წმ. გიორგის სალოცავი, საწირის წყალსაცავი, დავით და სერგო კლდიაშვილების სახლ-მუზეუმი.

თანამშრომლობითი კულტურის ხელშეწყობის ფარგლებში დაგეგმილი აქტივობები

"ახალი სკოლის მოდელის" ფარგლებში სკოლაში მიმდინარეობს სკოლის საჭიროებების გამოკვლევის და განვითარების პროექტი. ერთ-ერთი ინტერვენცია იყო პედ. კოლექტივისათვის დოკუმენტური ფილმის "მასწავლებლის ოთხი ტიპი"-ს ჩვენება და შემდგომი დისკუსიის გამართვა.

ცირკი

საქველმოქმედო ღონისძიების ფარგლებში სკოლას ეწვია თბილისის ცირკი. დაწყებითი საფეხურის ყველა მოსწავლე ჩაერთო ამ  აქტივობაში. მოსწავლეებში დიდი ინტერესი გამოიწვია გამართულმა სანახაობამ. იხ.ბმული

სამხატვრო გალერეაში

დაწყებითი კლასების მოსწავლეები სტუმრობდნენ ქუთაისის სახვითი ხელოვნების გალერეა.მოსწავლეებმა ნახეს ხელოვნების ნიმუშები. მიღებული  შთაბეჭდილებები კი ერთმანეთს გაუზიარეს . გალერეაში სტუმრობა მოსწავლეებში ხელოვნების ნიმუშთა პატივისცემის  უნარის განვითარების მიზნით მოეწყო.

II ბ კლასი სახვითი ხელოვნების გალერეაში

 

დაწყებითი კლასების მოსწავლეები სტუმრობდნენ ქუთაისის სახვითი ხელოვნების გალერეას .მოსწავლეებმა ნახეს ხელოვნების ნიმუშები. მიღებული  შთაბეჭდილებები კი ერთმანეთს გაუზიარეს . გალერეაში სტუმრობა მოსწავლეებში ხელოვნების ნიმუშთა პატივისცემის  უნარის განვითარების მიზნით მოეწყო.

„მზა იდეა განათლებაში“ - ქუთაისი izrune.ge-ს ინოვაციებს მასპინძლობს

ქუთაისის მუნიციპალიტეტის რესურსცენტრში საგანმანათლებლო სექტორის წარმომადგენლებს პროექტ „ეტალონის“ და izrune.ge-ს ავტორმა გოჩა ტყეშელაშვილმა ინოვაციური საგანმანათლებლო პორტალის, izrune.ge-ს სიახლეები წარუდგინა.

შეხვედრას ქუთაისის რესურსცენტრის უფროსი მაია ცქიტიშვილი, სკოლის დირექტორები და izrune.ge-ში ჩართული განსაკუთრებით აქტიური დამრიგებლები ესწრებოდნენ. სსიპ ქუთაისის 33-ე საჯარო სკოლიდან განსაკუთრებით აქტიური დამრიგებლების სტატუსით შეხვედრაზე მიწვეულნი იყვნენ დაწყებითი კლასების პედაგოგები: თამარ ლაბაძე, ანიკო ხურციძე, სოფიო ბახსოლიანი , ბაია მაჩიტიძე, რუსუდან ბახტიძე, ინგა სოხაძე, ხათუნა ჯამალაშვილი.

პორტალში უკვე ჩართული სკოლების წარმატებულმა დამრიგებლებმა კოლეგებს izrune.ge-ს შედეგები და საკუთარი გამოცდილება გაუზიარეს, მათ სასკოლო ცხოვრების გაუმჯობესებაზე, სასწავლო პროცესში მშობელთა სისტემურ ჩართვასა და მოსწავლეთა მოტივაციის ამაღლებაზე ისაუბრეს.

izrune.ge „ეტალონის“ ინოვაციური პროექტია და მოსწავლეებს ეფექტური განათლების მიღებაში ეხმარება. საიტზე მოსწავლეებს საშუალება აქვთ, საკუთარი კლასის შესაბამისად გაიარონ სპეციალური ალგორითმით შექმნილი ინდივიდუალური ტესტები, გაიმეორონ და გაამყარონ განვლილი მასალა.

პორტალის ერთ-ერთი მთავარი მიზანი მშობლის (ოჯახის) ჩართულობის გაზრდაა შვილის აღზრდა-განათლების პროცესში. მშობლებს საშუალება აქვთ, თვალი მიადევნონ და უშუალოდ ჩაერთონ ბავშვის განათლების მიღებისა და მოტივაცია-წახალისების პროცესში.

შეხვედრის დასასრულს, საგანმანათლებლო აქტივობების ვებ-გვერდ etaloni.ge-ზე სკოლისა და სკოლაში მიმდინარე სასწავლო-სააღმზრდელო პროცესების წარმოჩენა-წახალისებისთვის სკოლებსა და წარმატებულ დირექტორებს მადლობის სიგელები გადაეცათ. შეხვედრა სამახსოვრო ფოტოების გადაღებით დასრულდა.