სკოლაში მიმდინარეობს საახალწლო კვირეული, ჩართულია დაწყებითი კლასების ყველა ჯგუფი. მოსწავლეებმა იმოგზაურეს ფერად და ჯადოსნურ სამყაროში. ესტუმრათ თოვლის ბაბუა და გაახარა ბავშვები.
ბედნიერ და წარმატებულ დამდეგ 2022 წელს ვუსურვებ ყველა მოსწავლეს და ყველა პედაგოგს!
USAID საბაზისო პროგრამის ფარგლებში სკოლის ლიდერ პედაგოგებს ბაია მაჩიტიძეს, თამარ გეწაძეს, რუსუდან ბახტიძეს, ანჟელა კვინიკაძეს და ინგა სოხაძეს ჩაუტარდათ ტრენინგები, რომელიც დასრულდა ტესტირებით. ყველა პედაგოგმა წარმატებით გაიარა ტესტირება.
ქუთაისის 33-ე საჯარო სკოლა შემოდგომის ჯადოსნურმა ფერებმა გააფერადა.
Iდ კლასის პედაგოგმა მაკა ჩინიჯიშვილმა და II დ კლასის პედაგოგმა ანჟელა კვინიკაძემ მოსწავლეები შემოდგომის ჯადოსნურ ფერთა სამყაროში ამოგზაურეს და მრავალფეროვანი, საინტერესო აქტივობებით დატვირთული დღე აჩუქეს.
4 ოქტომბერი, დღე როდესაც სკოლის მონატრებულ კედლებში განახლდა სასწავლო პროცესი.
პირველად შემოაბიჯეს პირველკლასელებმა. აციმციმებული თვალები ინტერესით აღსავსე იყო. დაწყებითების კათედრა დაულოცავს მათ პირველ ნაბიიჯებს სკოლაში.
პედაგოგებმა მოსწავლეებს ფერადი და დასამახსოვრებელი დახვედრა მოუწყვეს.
კათედრა წარმატებულ და მშვიდობიან 2021-22 სასწავლო წელს უსურვებს ყველა პედაგოგს და ყველა მოსწავლეს.
უკვე მეორე წელია გრძელდება უჩვეულო სასწავლო წელი
და შეხვედრა მოსწავლეებთან ვირტუალურ გარემოში. ქუთაისის N33 საჯარო სკოლა ღირსეულად პასუხობს ამ გამოწვევას.
სკოლის დირექტორმა ქალბატონმა მარინა ისკაკოვამ
დისტანციურად მოაწყო ახალი სასწავლო წლის საზეიმო გახსნა მთელი სკოლის ჩართულობით.
დაწყებითი საფეხურის კათედრა ულოცავს ქუთაისის N33 საჯარო სკოლის ყველა პედაგოგს და ყველა მოსწავლეს 2021-2022 სასწავლო წლის დაწყებას!
ყველა კლასში ჩატარდა საინტერესო და ემოციებით დატვირთული გაკვეთილები.
USAID-ის საბაზისო პროგრამის ფარგლებში ჩატარდა ვებინარი, რომელსაც უძღვებოდა ქალბატონი მაია ახვლედიანი. ვებინარის თემატიკა იყო "მშობელთა ჩართულობის ხელშეწყობა სასწავლო პროცესში". გამოცდილების გაზიარება მოხდა სსიპ ქალაქ ქუთაისის N33 საჯარო სკოლაში განხორციელებული კვლევის მიხედვით. საინტერესო იყო N33 საჯარო სკოლის დირექტორის, ქალბატონი მარინა ისკაკოვას და კვლევაში ჩართული კლასის პედაგოგის ქრისტინე მაჭარაძის მიერ თავიანთი გამოცდილების გაზიარება.
ვებინარს ესწრებოდნენ N33 საჯარო სკოლის ხუთი ლიდერ მასწავლებელი და პროექტში ჩართული სხვა სკოლის ლიდერ მასწავლებლები.
სსიპ ქ.ქუთაისის N 33 საჯარო სკოლაში ჩატარდა მასწავლებელთა სასწავლო ჯგუფის შეხვედრა N4. შეხვედრაზე განხილულ იქნა :
შეხვედრა შედგა Teams-ის პროგრამის გამოყენებით, ორგანიზატორი იყო USAID საბაზისო განათლების პროგრამაში ჩართული ლიდერი პედაგოგები: ბაია მაჩიტიძე, რუსუდან ბახტიძე, ინგა სოხაძე, ანჟელა კვინიკაძე, თამარ გეწაძე;
შეხვედრას ესწრებოდა სკოლის დირექტორი, დაწყებითი 1-4 და 1-6 კლასის ქართული ენისა და ლიტერატურისა და მათემატიკის პედაგოგები,
USAID საბაზისო განათლების პროგრამის ფარგლებში ქუთაისის N 33 საჯარო სკოლის მესამე (ა,ბ,გ) კლასში განხორციელდა (პედაგოგები: ანიკო ხურციძე, სოფიო ბახსოლიანი, ბაია მაჩიტიძე) თემატური ერთეული ,,მიკრობები"
წარმოგიდგენთ განხორციელებული კომპლექსური დავალებისას შესრულებული ნაშრომები:
კომპლექსური დავალება N1
ციფრული რესურსის „ვსწავლობთ თამაშით“ გამოყენებით ,ან თაბახის ფურცელზე, შექმენი
კომიქსი - „ორი მიკრობის
თავგადასავალი“, რომელშიც ასახავ
მიკრობთა დადებით და უარყოფით
ზეგავლენას ადამიანის ცხოვრებაზე.
კომიქსის შესაქმნელად გამოიყენე
შესწავლილი ტექსტი და მითითებული ელექტრორესურსი მიკრობის თვისებათა შესახებ.
კომპლექსური დავალების პირობა N 2
წარმოიდგინე, რომ
მართავ პრეს-კონფერენციას შენი თანატოლებისთვის, თემაზე „ვირუსები“. მოამზადე
მიმართვა, რომელშიც თანატოლებს დაანახებ, რა ზიანის მოტანა შეუძლიათ ვირუსებს და
მათ გამომწვევ მიკრობებს, როგორ უნდა მოვიქცეთ პანდემიისას, რომ თავი დავიცვათ
მათი მავნებლობისაგან.
კომპლექსური დავალება N3 : მოთხრობის დაწერა
წარმოიდგინე, რომ ერთ
მშვენიერ დღეს დაპატარავდი, უხილავი
გახდი, როგორც მიკრობი და გესმის მიკრობთა ენა. დაწერე ზღაპარი შენს
მოგზაურობაზე მიკრობეთში -მოგზაურობა მიკრობების ქვეყანაში.
